Ичимлик суви ва сувоқава хизмати учун янгилик

 

Мазкур хизмат 2021 йилнинг сентябрь ойида жорий этилган "UzWater billing" тизими доирасида ишлаб чиқилган.

 

Шахсий кабинетдан фойдаланиш учун жисмоний шахслар, аввало, https://cabinet.uzsuv.uz сайтига ўз шахсий ҳисоб рақамини киритиши лозим бўлади. Шундан сўнг абонентнинг тизимга бириктирилган мобил телефон рақамига код юборилади. Албатта, бу биринчи марта рўйхатдан ўтиш жараёни учун. Жисмоний шахс кодни киритгач шахсий онлайн кабинет очилади.

 

Мазкур жараёндан бошлаб абонент ҳисоблагич кўрсаткичини масофадан туриб “Ўзсувтаъминот” АЖга юбора олади.

 

Эслатма. Истеъмол кўрсатгичларининг ҳар ойда юборилиши ҳисоб-китобларнинг тўғри бўлишини таъминлайди.

 

“Шахсий кабинет” хизмати орқали амалга оширилган ҳисоб-китоблар тўғрисида маълумотларга эга бўлиш мумкин. Бундан ташқари, ичимлик ва оқова сув хизматларига оид шахсий маълумотларни кузатиш ва мурожаат қилиш, улар учун тўловларни қулай электрон тўлов тизимлари орқали онлайн амалга ошириш тизими ҳам ишлаб чиқилган.

 

Эслатма. Шахсий кабинетга кириш учун паролни янгилаш ҳамда шунга ўхшаш яна бошқа қулайликлардан фойдаланиш имконияти яратилган.

 

Диққат! Агар савол ва таклифлар бўлса, 12-55 ягона call-маркази билан боғланиш, “Uzsuv chat” телеграм чати ва ижтимоий тармоқлардаги Тошкент шаҳар сув таъминоти саҳифалари орқали мурожаат қилиш имконияти ҳам мавжуд. Шунингдек, “СувниАсра” мобил иловасидан ҳам кераклича маълумот олиш мумкин.

 

Аввалроқ сувдан фойдаланиш тартиби белгилангани ҳақида хабар берилганди.

 

Оламгир Абдиев