Шифокор қабулига тинимсиз қатнашл, яхши шифокор излаш, таҳлиллар, дори-дармонлар, касаллик таътилига чиқиш ва ҳафталар давомида тўрт девор ичида қамалиб қолиш азоблари... Буларни тасаввур этишнинг ўзи оғир.
Каттақўрғонлик Ойбаҳор Давронова салкам 6 йилдан бери кичик фарзандининг хасталигига даво излаб, тунни тонгга, тонгни тунга улайди. Ягона ўтинчи - бу фарзандини ҳам тупроққа қўймаслик.
“Ўғлим соғлом туғилган. Бора-бора бир ёшга яқинлашгач, ранги оқариб, тез-тез ҳолсизлана бошлади. Шифокор кўригига олиб бордик. Улар Шаҳриёрга камқонлик ташҳисини қўйишди. Гўдаклигида ҳафтасига бир марта донор топиб, қон қуйдирардик. Энди ҳафтада икка марта қуйдирамиз. Бунинг учун ҳам анчагина пул кетади.
Бу ҳам етмагандек, дард устига дард қўшилди. Талоғида катталашгачди, операция қилиб, уни олдирдик. Шундан сўнг жигари, буйраги, ўт қопида ўзгаришлар пайдо бўлди. Шифокорлар зудлик билан илик кўчириш операцияси ўтказилиши кераклигини айтишди. Бунинг учун жуда катта маблағ зарур экан. Аммо биз 100 минг долларни қаердан топамиз? Биринчи фарзандим ҳам шу касалликдан вафот этганди. Иккинчи фарзандимни ҳам йўқотишни хоҳламайман, — дейди онаси.
Шаҳриёрнинг отаси айни вақтда дори-дармонлар учун пул топиш илинжида хорижда ишлайди. Болакайнинг соғайиб кетиши учун оила яшаб турган уй сотувга қўйишган. Бу оила аъзолари яхшилар кўмагига муҳтож. Кўпнинг оз-оздан бергани эса уни бу дарддан қутқаради, деган умидимиз бор. Зеро, “Эҳсоннинг мукофоти фақат эҳсондир.”
Яздонов Шаҳриёрга оид маълумотлар:
Узкард: 8600 0423 0233 8487 онаси Ойбаҳор Давронова номида
Сбербанк: 4276 5500 8140 7747 отаси Камол Эрдонов номида
Телефон: +998933547511 (онаси)
Баҳринисо МАДУМАРОВА