Jazeera Airways Қувайт ва Наманган ўртасида авиарейсларни йўлга қўяди
Парвозлар ҳафтада уч марта амалга оширилиши режалаштирилган.
Қувайт авиакомпанияси 13 октябрдан янги йўналиш бўйича авиақатновларни йўлга қўяди. Парвозлар ҳафтада уч марта - душанба, чоршанба ва жума кунлари амалга оширилади.
"Қувайтдан Наманганга биринчи мунтазам рейс Туризм учун янги имкониятлардан фойдаланиш имконини беради", — дея қайд этган авиаташувчи Бош директори Роҳит Рамачандран.
Таъкидланишича, Jazeera Airways 2021 йил баҳорида Ўзбекистонга парвоз қилиш учун рухсат олган. Ўтган июль ойидан бошлаб Лоукостер авиакомпания Қувайт ва Тошкент ўртасида парвозларни амалга оширишни бошлаган.
Маълумот ўрнида, Jazeera Airways 2004 йилда ташкил этилган ва 2008 йилда Қувайт фонд биржасида рўйхатга олинган. 2018 йилда ўз махсус терминали фаолиятини йўлга қўйган мазкур авиакомпания яқин Шарқ ва Европа бўйлаб парвозларни амалга оширади.
