Жомбойда юк машинаси "Мatiz" билан тўқнашди
Ҳодиса оқибатида жароҳатланганлар йўқ
Самарқанд вилояти Жомбой туманида 14 апрель куни юк машинаси ва матиз ўртасида йўл транспорт ҳодисаси содир бўлди. Бу ҳақда Самарқанд ИИВ хабар берди.
Воқеа соат 07:40 лар атрофида М-39 автомобиль йўлининг 1070-km.da юз берган. Пиёдалар ўтиш жойида ўтаётган пиёдаларга йўл бериб тўхтаб турган "Мatiz"нинг орқа қисмидан шу йўналишда ҳаракатланиб келаётган юк машинаси келиб урган.
Ҳолат юзасидан Жомбой тумани ИИБ ЙҲХБ томонидан суриштирув ишлари олиб борилмоқда.
Эслатиб ўтамиз, аввалроқ Бухорода «Махсустранс» машинаси она ва болани босиб кетгани ҳақида хабар берилганди.
