ЖССТ коронавируснинг янги супер штаммлари вужудга келиш сабабига изоҳ берди.
ЖССТ Европа бюроси директори Ганс Клюгенинг фикрича, бунга касалликнинг аҳоли орасида кенг тарқалиши асосий сабаб бўлмоқда. “Вируслар вақт ўтиши билан эволюцияга учрайди, бунга ҳайрон қолиш керак эмас. Касаллик қанчалик фаол тарқалса, у шунчалик тез мутацияга учрайди”, - деган эксперт.
Клюге вакциналар агар адолатли тақсим қилинмаса, коронавируснинг янги штаммлари кўпайиб боришидан огоҳлантирди. У давлатларни “зудлик билан вакциналарни бўлишиш”га чақирган.
“COVID-19’га қарши самарали вакциналарнинг тезлик билан яратилиши – пандемиялар тарихидаги камёб мувафаққиятлардан биридир. Лекин вакцияналар хавф гуруҳларига ўз вақтида етказиб берилмас экан, барча ютуқларимиз йўққа чиқади ва пандемия чўзилади”, деб таъкидлаган Клюге.
Душанба куни “катта йигирматалик” давлатлари соғлиқни сақлаш вазирлари учрашувида вакциналарни тенг тақсимлашга келишиб олинган.
Эслатиб ўтамиз, бундан аввал Австрияда эмланганлар учун пандемия якунлангани хабар қилинган эди.
Жаҳонгир Қўзиев