Канадада кучли шамол туфайли 200 мингдан ортиқ одам электр энергиясисиз қолди
Соатига 100 км тезликда эсаётган шамол бошқа муаммоларни ҳам келтириб чиқарган.
Канаданинг Онтария провинсиясида 200 мингдан ортиқ аҳоли кучли шамол туфайли электр таъминотисиз қолди, деб ёзади “ТАСС”.
"Давом этаётган бўрон туфайли 200 мингдан ортиқ истеъмолчи электр таъминотисиз қолмоқда. Вилоятнинг жанубий, марказий ва шарқий қисми ҳам электр токисиз қолиши кутилмоқда", - дейилади хабарда.
Таъкидланишича, соатига 100 км тезликда эсаётган шамол яна кўплаб инфратузилмаларга зарар етказган.
Эслатиб ўтамиз, аввалроқ АҚШнинг бир нечта штатида кучли торнадо юз берган эди. Ҳозирга қадар 80 дан ортиқ одам қурбон бўлган.
