“Мен ҳеч қайси ижтимоий платформада йўқман” - Трамп
АҚШнинг собиқ президенти Дональд Трамп ижтимоий тармоқларда саҳифаси йўқлигини эълон қилди.
"Кўплаб саволларга жавоб тариқасида айтаманки, мен ҳеч қайси ижтимоий платформада бирор кўринишда, жумладан Parler, GETTR, Gab'да йўқман", - дейилади Трампнинг хабарида.
Юқорида таъкидланган платформалар ўнг сиёсий спектрга ён босади.
"Мен платформа танлашга ёки ўз платформамни тузиш ва уни тугатишга қарор қилсам, бу ҳақда эълон қилинади", - деди Трамп.
Қатор ижтимоий тармоқларда Трамп номи билан очилган аккаунтлар бор, аммо уларнинг расмий белгиси мавжуд эмас.
Шарофат Маҳмудова
