“Мусиқани ўчирсанг, шу пичоқни пешoнангга отаман”. Фуқаро катта йўлда ИИБ ходимларидан нега қочганди?

Ушбу хабарга Қашқадарё вилояти ИИБ муносабат билдирди.

Унда келтирилишича, Қарши шаҳар “Темир йўлчи МФЙда яшовчи фуқаро Н.Л. 2021 йил 19 февраль куни соат 00:05 ларда шаҳардаги ресторанларнинг бирига икки нафар таниши А.Т. ва Ш.С. билан бориб, ресторан ишчиси С.А.га: “Мусиқани ўчирсанг, шу пичоқни пешанангга отаман”, деб қўрқитиб, жанжал қилган. Сўнгра Н.Л.ни тинчлантириш учун ресторанга келган Ички ишлар органлари ва Миллий гвардия ходимларининг қонуний талабини бажариш ўрнига қаршилик кўрсатган. Шериги А.Т. билан икки нафар Ички ишлар органлари ходимининг ёқасидан тутиб, силтаб, қочишга уринган. Ресторандан кўчага чиққан Н.Л. қўлидаги пичоқ билан яна бир нафар Ички ишлар органи ходимига шикаст етказмоқчи бўлганида ходим чап бериб йиқилиб, тан жароҳати олган.

Тезкор кўрилган чора-тадбирлар натижасида шу куни Н.Л. қўлга олинган.

Ҳолат юзасидан Қарши шаҳар прокуратураси томонидан Н.Л ва А.Т.ларга нисбатан жиноят иши қўзғатилиб, тергов ҳаракатлари олиб борилган. Тергов ҳаракатлари тамомланиб, судга юборилган.

Жиноят ишлари бўйича Қарши шаҳар суднинг 2021 йил 2 август кунидаги ҳукми билан Н.Л ва А.Т. тегишли жазога тортилган.