Портатив ҳаво майдонини бошқариш тизимини ишлаб чиқиш ва синовдан ўтказиш орқали NASA ўрмон ёнғинлари пайтида дронлардан хавфсизроқ ва самаралироқ фойдаланишни таъминлайди.
Тадқиқотчилар PAMC тизимининг Overwatch самолётларидан келадиган хабарларни қабул қилиш ва бошқа бўлинмалар билан ахборот алмашиш қобилиятини синовдан ўтказишди. Синов давомида учувчилар атайлаб бир-бирига зид бўлган парвоз режаларини тақдим қилишди ва дронларни олдиндан тасдиқланган режадан ташқарида бошқаришди.
ПАМС бўлинмалари учувчиларни кесишган траэкториялар ва рухсат этилган ҳудудлардан чиқиш ҳақида тезкор равишда хабардор қилди. Шунингдек, улар бир-бири билан самолётларнинг жойлашуви, об-ҳаво шароитлари ва симуляция қилинган ёнғин манбалари ҳақидаги маълумотларни алмашди. Бу синов PAMC тизимининг ўрмон ёнғинларини ўчиришда самарали фойдаланиш имкониятларини тасдиқлади.
"Бу синов ёнғин вақтида парвозларни мувофиқлаштириш жараёнини яхшилаш йўлида муҳим қадамдир," — деди тадқиқот етакчиси Сюе. "Бу технологиялар ёнғинга қарши кураш ишларини оптималлаштириш, йирик ёнғинларнинг оқибатларини камайтириш ва кўпроқ инсон ҳаётини сақлаб қолишга ёрдам беради"
Жорий йил давомида жамоа ушбу технологияларни янада такомиллаштириш учун қўшимча парвоз синовларини ўтказишни режалаштирмоқда. Лойиҳанинг асосий мақсади эса PAMC тизимини ёнғин хавфсизлиги соҳасида фаолият юритувчи жамоаларга топширишдир.