Дунё
|
09 Октябр 09:21
424
Дунё
|
09.10.2021, 09:21
424

Навбат Вашингтонга: АҚШ ва "Толибон" узоқ танаффусдан сўнг музокаралар ўтказади

9-10 октябрь кунлари Доҳада АҚШ ва "Толибон" расмийлари ўртасида музокаралар бўлиб ўтади. Бу ҳақда "Reuters" агентлиги хабар берди.

 

Навбат Вашингтонга: АҚШ ва "Толибон" узоқ танаффусдан сўнг музокаралар ўтказади

 

АҚШ томонидан давлат котиби ўринбосари Том Уэст ва USAID ташкилоти вакили Сара Чарльз иштирок этиши кутилмоқда. "Толибон" эса Афғонистон ташқи ишлар вазири Амирхон Мутаққий бошчилигида делегация жўнатган.

 

Эътиборлиси, бу АҚШ қўшинлари олиб чиқилгандан сўнг ташкиллаштирилган биринчи раcмий учрашув бўлади. Музокараларнинг асосий мавзуси–– Афғонистонда қолиб кетган АҚШ фуқаролари эвакуацияси ва терроризмга қарши кураш.

 

Бундан ташқари учрашув давомида 2020 йил “Ҳаққоний тизими” томонидан ўғирлаб кетилган АҚШ фуқароси Марк Фрерикс тақдири масаласи кўтарилиши кутилмоқда. Катта эҳтимол билан Фрерикс озод қилиниши талаб қилинади.

 

Навбат Вашингтонга: АҚШ ва "Толибон" узоқ танаффусдан сўнг музокаралар ўтказади

Марк Фрерикс афғон болалари билан

 

Шунингдек, Вашингтон разведка хизматлари вакиллари ҳам музокараларда қатнашади. Ўз навбатида “Толибон” делегацияси аъзолари орасида Афғонистоннинг разведка бошқармаси раҳбари Абдулҳақ Восиқ ҳам иштирок этади.

 

Яна бир эътиборли жиҳати узоқ йиллардан кейин илк бор АҚШнинг Афғонистон бўйича махсус вакили Залмай Халилзод “Толибон” билан музокараларда қатнашмайди.

 

Аввалроқ Британия махсус вакили Кобулга келгани ҳамда Абдулазиз Комилов “Толибон” билан музокаралар ўтказгани хабар қилинганди.

 

Жаҳонгир Қўзиев