Ноқулай об-ҳаво сабаб “Тахтақорача” довони ёпилди
Ҳозирда тегишли ташкилотлар профилактика ишларини олиб бормоқда.
Фавқулодда вазиятлар вазирлиги қалин қор ёғганлиги туфайли “Тахтақорача” довони вақтинча ёпилгани ҳақида маълумот берди.
Хабар қилинишича, соат 11:00 дан бошлаб Қашқадарё вилоятининг Китоб туманидан ўтган М-39 автомобиль йўлининг “Тахтақорча” довонида транспортлар ҳаракати тўхталиган.
“Ҳозирда тегишли ташкилотларнинг мутахассислари томонидан вазият оқибатларини бартараф этиш борасида кенг кўламли профилактик ишлар амалга оширилмоқда”, – дейилади хабарда.
Жавоҳирбек ТУРСУНОВ
