Омадбек Ҳолматовга нисбатан терговга қадар текширув ўтказилмоқда
Ижтимоий тармоқларда тадбиркор иштирокида зўравонлик ҳолатлари акс этган видеолар тарқалган
Маълумотларга кўра, Инбазар асосчиси зўравонлик қилаётгани акс этган ҳолатлар эски бўлиб, ҳеч ким ариза билан мурожаат қилмаган. Айни вақтда пойтахт ИИББ ҳолат юзасидан терговга қадар текширув бошлаган.
"Бу шахсга нисбатан интернетда тарқалган видеолар юзасидан терговга қадар текширув ўтказилмоқда. У видеодаги ҳолатлар эски бўлиб, муқаддам ҳеч ким ариза билан мурожаат қилмаган. Ҳозир видеода акс этган шахсларнинг шахси аниқланиб, текширув ўтказилмоқда", — дейилади Тошкент шаҳар ИИББ ахборот хизмати тақдим қилган маълумотда.
14-cентабрь куни Тошкент шаҳрида фаолият юритувчи йирик савдо марказларидан бири бўлмиш Инбазарнинг Сергели туманидаги савдо маркази масъули ходимни калтаклагани акс этган видео тарқалганди. Кўп ўтмай тармоқ раҳбари видеомурожаат қилиб, зўравонга жазо кўрилишини айтиб чиқди.
