Ўзбекистон ва Тожикистон ўртасида янги туристик йўналиш йўлга қўйилиши мумкин. Бу хақда "Sputnik Таджикистан" хабар берди.
Эндиликда туристларга икки мамлакат ўртасида саёҳат қилиш имокнияти яратилади. Хусусан, туристик поезд орқали Андижон — Конибодом — Хўжанд — Душанбе — Самарқанд — Бухоро — Қарши шаҳарларига бориш мумкин.
"Сўғд темир йўллари" корхонаси раҳбари Убайдулло Обидовнинг маълум қилишича, ушбу лойиҳа учун поездлар тайёр. Шу билан бирга у бу йўналиш икки йил олдин ишга туширилиши лозимлиги, аммо пандемия туфали ортга сурилганини таъкидлаган.
Эслатиб ўтамиз, аввалроқ Туризм ва спорт вазирлиги иккига ажратилгани тўғрисида хабар берилганди.