Ўзбекистонда 16 донагина қолган сиртлонлардан бири ўлдирилди
“Ўзбекистон Қизил китоби”га киритилган камёб дўлта (сиртлон)лардан бири ўлдирилди.
Бу ҳақда “Ekologuz” канали хабар берди.
Экология ва атроф-муҳитни муҳофаза қилиш давлат қўмитаси ҳолатга изоҳ берди. Унга кўра, сиртлон ов мақсадида ўлдирилмаган.
Маълум бўлишича, Узун тумани "Мустақиллик" маҳалласида яшовчи фуқаро п.Очилдиевда овчилик қуроллари йўқлиги ва овчилик уюшмасига аъзо эмаслиги, фуқаро жорий йилнинг февраль ойида туманнинг "Хурсанд" маҳалласи ҳудудида фермер хўжалигига қарашли ер майдонига қўйларини боқиб келганда тунги вақтда номаълум ёввойи ҳайвон қўйларига ҳужум қилган ва чўпонинг 5 та итлари қўйларни ҳимоя қилиш мақсадида ёввойи ҳайвонни жароҳатлаб, ўлдирган.
Ўлдирилган ҳайвоннинг ўлигини кундуз куни кўрган чўпонлар фотосуратга тушишган.
Фотосуратдаги иккинчи фуқаро ҳозирги вақтда чет элга ишлаш мақсадида кетганлиги аниқланди.
Аввалроқ Бухорода “Қизил китоб”га киритилган чол бўктариси қушини сотмоқчи бўлганлар ушланганди. Шунингдек, Ҳисор қўриқхонасида ҳам ноёб тоғ эчкисини овлаганлар қўлга олинганди.
