Ўзбекистонда илк бор халқаро физика олимпиадаси бўлиб ўтади
8–13 ноябрь кунлари Фарғонада Ўзбекистонда илк бор Аҳмад ал-Фарғоний номидаги халқаро физика олимпиадаси бўлиб ўтади.
Бугун Фарғонада турли давлатлардан ташриф буюрган иштирокчиларни тантанали кутиб олиш маросими ўтказилди.
Маълумот учун: мазкур халқаро олимпиадада Россия, Тожикистон, Қозоғистон, Қирғизистон, Уммон султонлиги, Арманистон, Озарбайжон, Беларусь, Миср каби дунёнинг 15 дан ортиқ давлатидан 100 нафардан ортиқ ўқувчи қатнашиши кутилмоқда.
Аввалроқ IBO Халқаро биология олимпиадаси ва IMC 27 Халқаро математика мусобақаси натижалари эълон қилингани, Наманганлик қиз ҳам Президент, ҳам ал-Хоразмий номидаги мактаб синовидан ўтгани, Зулфия номидаги Давлат мукофотига талабгорларни саралаш жараёнлари бошлангани ҳамда Халқаро фан олимпиадалари ғолибларига 122,5 млн сўмдан пул мукофоти топширилгани ҳақида хабар берилганди.
