Ўзбекистонда товар ва хизматлар 5 фоизга қимматлашди
Статқўм маълумотларига кўра, август ойида истеъмол секторидаги инфляция 0,5 фоизни ташкил қилди. Жорий йил бошидан истеъмол секторида нархларнинг ўсиш даражаси 4,8 фоизни ташкил этди.
Йиллик нисбатда ИНИ ўсиш даражаси 11,1 фоизга етди.
Таққослаш учун 2020 йилнинг январ-августида умумий ИНИ ўсиш даражаси 4,8 фоизни ташкил этган.
Маълумотларга кўра августда:
- Озиқ-овқат маҳсулотлари 0.7 фоизга (ўтган йилнинг мос даврида эса 0,3 фоизга қимматлаган);
- ноозиқ-овқат маҳсулотлар 0,5 фоизга (ўтган йил 0,8 фоиз);
- хизматлар 0,2 фоизга қимматлаган (ўтган йил 0,4 фоиз).
Озиқ-овқат маҳсулотлари ўтган йилнинг августига нисбатан 15,5 фоизга, ноозиқ-овқат маҳсулотлар 8 фоизга, хизматлар 7,6 фоизга қимматлаган.
Статқўм 2021 йилнинг июл ойида дефляция кузатилганини эълон қилди. Ўтган ойда товарлар ва хизматлар 0,2 фоизга арзонлаганди. Нархлар пасайиши мавсумий характерга эгалиги маълум қилинганди.
Эслатиб ўтамиз, июнда Марказий банк йиллик ЯИМ прогнозини 6,8 фоизга оширганди. Бироқ регулятор инфляция бўйича кутилмаларни ўзгаришсиз қолдирди.
Аввалроқ Президент “Қўшилган қиймат солиғи маъмуриятчилигини такомиллаштириш тўғрисида”ги қарорни имзолагани тўғрисида хабар берилганди.
