Педагогларга малака тоифасини бериш тартиби ўзгарди

 

Вазирлар Маҳкамасининг қарорига мувофиқ, педагог кадрларни аттестациядан ўтказиш тартибига ўзгартиришлар киритилди. Унга кўра, айрим тоифадаги ўқитувчиларга бевосита малака тоифаси (ёки лавозими) берилади.

 

2025 йил 1 сентябргача навбатдаги аттестациядан ўтмаган, шунингдек, аттестация муддати тугаган, лекин амалдаги малака тоифаси сақланиб қолган педагоглар қуйидаги ҳолларда аттестацияга жалб этилмайди ва уларга мавжуд лавозими бўйича ҳақ тўланади:

• 25 йил ва ундан ортиқ педагогик тажрибага эга бўлган ўқитувчилар;
• Пенсияга чиқишига 5 йилдан кам вақт қолган педагоглар;
• Олий малака тоифаси ёки бош ўқитувчи лавозимига эга бўлиб, уни 15 йил давомида сақлаган ва узлуксиз ишлаган педагоглар;
• Ҳозирда педагогик фаолият билан шуғулланаётган пенсия ёшидаги ўқитувчилар.

 

Агар ўқитувчи қуйидаги мезонлардан бирига жавоб берса, унга бевосита малака тоифаси берилади:

• 25 йил ва ундан ортиқ педагогик иш стажи бўлса – амалдаги малака тоифаси;
• Пенсияга чиқишига 5 йилдан кам вақт қолган бўлса – амалдаги малака тоифаси;
• Олий малака тоифаси ёки бош ўқитувчи лавозимига эга бўлиб, уни 15 йил давомида узлуксиз сақлаган бўлса – олий малака тоифаси.

 

Мусиқа маданияти ва жисмоний тарбия фани педагоглари, пенсия ёшидаги ўқитувчилар ҳамда олий маълумотга эга бўлмаган педагоглар аттестациядан ўтказилади.

 

Мактабгача ва мактаб таълими тизимидаги илғор ва малакали педагоглар рағбатлантирилади. Мактабгача ва мактаб таълими вазири жамғармасининг фаолияти такомиллаштирилади.