Пекин-Вашингтон муносабатларидаги кескинлик глобал муаммоларни ҳал этишни имконсиз қилмоқда

 

АҚШ ва Хитой ўртасидаги келишмовчиликлар қатор глобал муаммоларнинг ҳал этилишини имконсиз ишга айлантирмоқда. Бу ҳақда Сингапур бош вазири Ли Сянь Лун миллатга йиллик мурожаатномасида айтиб ўтди.

 

“Дунё сиёсатига асосий таъсир ўтказадиган АҚШ-Хитой муносабатлари ёмонлашмоқда. Икки давлат қатор масалаларда келиша олмаяпти. Гап рақобат қилаётган мафкуралар, давлат тузумлари, Хитойнинг дунёда ўсиб бораётган мавқеи, шунингдек, қатор бошқа муаммолар, хусусан, савдо баҳслари, кибершпионаж, Жанубий Хитой денгизи, Гонконг ҳақида кетмоқда. Аммо энг асосий муаммо — Тайвань атрофидаги масаланинг кескинлашиши”, – деган сиёсатчи.

 

Унинг фикрича, Вашингтон ва Пекин қатор глобал муаммолар, жумладан, иқлим ўзгариши, пандемия ва ядро қуролининг тарқалиши муаммоларини биргаликда ҳал қилиши керак.

 

“Аммо уларнинг таранг муносабатлари буни амалда имконсиз қилмоқда. Бу бутун дунё учун ёмон хабар”, – деб қўшимча қилган сиёсатчи.

 

Аввалроқ Хитой АҚШни Тайвань масаласида провокацияда айблаганди.