Пилланинг ҳар бир килоси учун 5 000 сўмдан субсидия ажратилади

 

Ҳукумат қарори билан тасдиқланган низомга биноан, Пилла етиштирувчиларга субсидия ажратиш тартиби белгиланди.

 

Унга кўра, Ипакчилик ва жун саноатини ривожлантириш қўмитаси томонидан ҳар йили 20 июлгача республикадаги пилла етиштириш прогнозлари ишлаб чиқилиб Молия вазирлигига тадқим қилинади.

 

Молия вазирлиги прогноз асосида бюджетдан субсидия ажратиб Қўмитага 1 февралгача ўтказиб беради.

 

Шундан сўнг, Пиллачилик кластерлари ва ташкилотлари “Агропилла” МЧЖлар билан субсидия олувчилар рўйхатини шакллантиради ва 25 февралгача Агентликнинг ҳудудий бошқармасига беради.

 

Ҳудудий бошқарма рўйхатни умумлаштириб 1 мартгача Қўмитага юборади.

 

Қўмита 10 апрелгача пулларни субсидия олувчиларга бериш учун махсус ҳисобварақларга ўтказади.

 

Маълумот учун, 2022 йил 1 январдан 2025 йил 1 январгача пилланинг ҳар килограмми учун 5 минг сўм субсидия берилади.

 

Аввалроқ ҳар бир килограмм пилла учун давлат томонидан қўшимча субсидия берилиши ҳақида хабар берилганди.

 

Оламгир Абдиев