Президент таълим муассасалари агентлиги томонидан “Cambridge Assessment” ташкилоти билан ҳамкорликда ташкил этилган семинар тренингда айни жиҳатларга ҳам эътибор қаратилди.
Жорий йилнинг 12 сентябрь куни Президентимиз таълим сифатини ошириш масалалари юзасидан видеоселектор йиғилиши ўтказилди. Унда илғор халқаро тажриба ва стандартлар асосида мактаблар муаллимларининг малакасини ошириб бориш зарурлиги таъкидланди.
Замонавий таълим тизимида ўқувчидан билимга асосланган маълумотлардан кўра, амалиёт кўникмалари талаб этилмоқда. Шундай экан, сифатли таълим тизимини ташкил қилиш учун малакали устозларга эҳтиёж бор.
Ўқитувчилар малакасини ошириш мақсадида бу каби тадбирлар янги ташкил этилган Президент мактаблари ўқитувчилари учун тажриба алмашиш майдони бўлди. Ҳафта давомида ўтказилган тренинглар педагог кадрларнинг Президент мактабларида “Cambridge Assessment” дастуридан самарали фойдаланишини таъминлашда кўмаклашади.
Шунингдек, бу тренинглар педагогларга замонавий методикалар билан танишиш ва янги ўқув йилини кўтаринки кайфиятда бошлашларида ҳам ёрдам беради.
Агентлик педагоглари учун ташкил этилган мазкур ўқув-тренинг ҳафталиги уларнинг иш тажрибасида кўмакчи бўлади.
8 кун давом этган ўқув-семинарларида иштирок этган барча педагогларга ўз йўналишлари бўйича халқаро Cambridge даструларини ўқитиш бўйича сертификатлари тақдим этилди.
Дилфуза Собирова,
Президент таълим муассасалари агентлиги матбуот хизмати раҳбари