Путин Ким Чен Инга 24 бош от совға қилди
Отларнинг барчасига чиплар ўрнатилган бўлиб, бу уларнинг тоза наслдан эканини билдиради.
Россия президенти Владимир Путин КХДР етакчиси Ким Чен Инга 24 бош Орлов йўртоқиларини совға қилди.
"Ким Чен Ин Россиядан янги зотдор отлар партиясини қабул қилиб олди. Бу Шимолий Корея етакчиси ва президент Путин ўртасидаги яқинлик кучайиб бораётганидан далолат беради", — дейилади хабарда.
Маълум қилинишича, отлар 25 август куни олиб кетилган. 19 бош айғир ва бешта байтал Владимир вилоятида карантиндан ўтган, кейин эса Приморскдаги "Хасан" темирйўл ўтказиш пунктига олиб келинган.
"Отларнинг барчаси чипланган. Чиплар мавжудлиги сканерловчи қурилма орқали текширилган. Микрочип отлар алмаштириб қўйилишига йўл қўймайди ва улар тоза наслдан эканини билдиради", — дея таъкидланади хабарда.
