Россия президенти Владимир Путин соғлом. Бу ҳақда АҚШ марказий разведка хизмати директори Уильям Бернс маълум қилди.
“Президент Путиннинг саломатлиги тўғрисида турли миш-мишлар юради. Бизнинг фикримизча, у бутунлай соғлом. Бу разведканинг норасмий маълумоти”, – деган у Колорадо штатидаги чиқишида.
Разведка раҳбарининг қўшимча қилишича, Путин ва Эрон Олий раҳнамоси Али Хумайний билан ўтказган музокаралари унинг фаолиятидаги энг оғир учрашувлардан бўлган.
“Эрон ва россияликлар билан узоқ йиллик музокаралар натижасида сочимда оқлар кўпайиб кетди”, – деб қайд этган у.
Аввалроқ Путин Теҳронда журналистлар билан суҳбатлашганди.