Қиличбозлик бўйича илк халқаро синов-имтиҳони бошланди
Бугун Тошкент шаҳрида биринчи маротаба қиличбозлик бўйича халқаро имтиҳонга старт берилди.
Тадбирни Миллий Олимпия қўмитаси раҳбари, Ўзбекистон қиличбозлик федерацияси раиси Рустам Шоабдураҳмонов очиб берди. У меҳмонларга давлатимиз томонидан спортга қаратилаётган эътибор хусусида тўхталиб, мазкур имтиҳон иштирокчиларига омад тилади.
Режага кўра, бугун иштирокчилар рапира йўналишида назарий ва видеотаҳлил бўйича тест топширади. Ундан муваффақиятли ўтганлар эртага якуний амалий имтиҳондан ўтади. Шунингдек, эртага қатнашчилар рапира бўйича амалий, 16 октябрь куни шпага бўйича назарий, 17 октябрь куни шпага бўйича амалий, 18 октябрь куни шамшир бўйича назарий, 19 октябрда эса сабля бўйича амалий имтиҳон бўлиб ўтиши режалаштирилган.
Аввалроқ триатлон бўйича Осиё кубоги якунига етгани ва бокс бўйича аёллар ўртасида жаҳон чемпионатига мезбон давлат номи маълум бўлгани ҳақида хабар берилганди.
Жамшидбек Амиров
