Қирғизистон ва Ўзбекистон 2024 йилдан бошлаб 12 русумдаги автомобиль ишлаб чиқаради
Лойиҳа Ўзбекистон-Қирғизистон тараққиёт жамғармаси томонидан молиялаштирилади.
2024 йилдан Қирғизистон ва Ўзбекистон биргаликда 12 русумдаги автомобиль ишлаб чиқаради. Бу ҳақда Қирғизистон Республикаси Иқтисодиёт ва савдо вазири Дониёр Амангелдиев “Кабар” агентлигида бўлиб ўтган матбуот анжуманида маълум қилди.
“Айни пайтда “Олтин-Тулпар” автомобиль йиғиш заводи ишга туширишга тайёрланмоқда. Бу “ЎзАвтоСаноат” билан қўшма лойиҳадир. Ўйлайманки, у келгуси йилда лойиҳа ишларини бошлайди”, – деди у.
Вазирнинг таъкидлашича, лойиҳа Ўзбекистон-Қирғизистон тараққиёт жамғармаси томонидан молиялаштирилади.
Эслатиб ўтамиз, Қирғизистонда автомобиллар ва савдо ускуналари ишлаб чиқаришни ташкил этиш бўйича келишув январь ойида Ўзбекистон Президенти Шавкат Мирзиёевнинг Қирғизистонга ташрифи чоғида имзоланган эди. Лойиҳага кўра, у уч босқичда амалга оширилади. Дастлабки уч йилда 10 мингта автомобиль ва тижорат автомобиллари ишлаб чиқарилади. 500 киши иш билан таъминланади.
Иккинчи босқичда автомобиль эҳтиёт қисмлари ишлаб чиқариш қўшилади, 20 мингтагача автомобиль ва савдо ускуналари ишлаб чиқарилади. Иш ўринлари сони 1000 та.
Кейинчалик ишлаб чиқариш ҳажми 30 мингтага автомобиль ва савдо техникаси, муассасада ишлайдиган ходимлар сони эса 2000 кишига етказилади.
