Қозоғистонда кўп қаватли уй ойнасидан ҳайвонларни улоқтираётган фуқаро қидирилмоқда
Ички ишлар идорасига Қозоғистон пойтахти Нур-Султон шаҳридаги кўп қаватли уйлардан бирида яшовчи фуқаролар номидан кимдир 2 кундан буён кўп қаватли уйнинг юқори қаватидан тинимсиз мушук ва кучукларни тутиб келиб деразадан улоқтираётгани, бу эса, айниқса, ёш болалар руҳиятига ёмон таъсир этаётгани ҳақида шикоят-ариза билан мурожаат қилган.
Айни шу ҳолат кузатув камерасига ҳам тушиб қолган. Унда кун давомида бир нечта мушук ва кучуклар тепа қаватдан пастга зарб билан тушаётгани акс этган.
Ҳозирда ички ишлар идоралари ушбу ҳолат бўйича суриштирув ишлари олиб бормоқда.
Эслатиб ўтамиз, Қозоғистонда ҳайвонларга нисбатан шафқатсизларча муносабатда бўлган фуқаролар учун жазо чораларининг кучайтирилиши кутилмоқда.
Бундан аввал Тошкентда мушукни калтаклаган боланинг онаси жаримага тортилгани ҳамда жиззахда ит овлов бригадаси 7 та уйсиз итни отиб ташлагани ҳақида хабар берилган эди.
Муножат Валиева
