Рамзан Қодиров Зеленский учун телевидениедан иш таклиф қилди
Чеченистон раҳбари унга алоҳида шоу ташкил қилиб бермоқчи.
Чеченистон раҳбари Рамзан Қодиров Владимир Зеленскийга телевидениеда ярим кунлик иш таклиф қилди. Бу ҳақда у телеграм каналида маълум қилди.
“Зеленский қаршиликни тўхтатиб, тинчлик музокаралари столига ўтириш чақириғимизга жавоб бериши биланоқ, биз унга шундай имконият берамиз. Ҳатто ‘Грозний’ телеканалида алоҳида шоу ташкил қилишимиз ҳам мумкин”, деб ёзган Қодиров.
Шунингдек, Чеченистон раҳбари бу таклиф вақтинча амал қилиши ва кейин кеч бўлиши мумкинлигини айтиб ўтган.
