Екатеринбургдан Самарқандга парвозлар йўлга қўйилиши мумкин
Парвозлар 100 ўринли “Sukhoi Superjet” самолётларида амалга оширилади.
“Коммерсант"нинг хабар беришича,“Red Wings” авиакомпанияси Екатеринбургдан Ўзбекистонга тўғрида тўғри рейсни йўлга қўяди. 13-февралдан авиаташувчи Урганч, 14-февралдан эса Самарқандга парвозларни бошлайди.
Бу Колсово аэропортидан биринчи мунтазам халқаро рейслар бўлади, дейилади авиакомпания матбуот хизмати хабарида. Парвозлар 100 ўринли “Sukhoi Superjet” самолётларида амалга оширилади.
Самолётлар душанба куни Самарқандга, якшанба куни эса Урганчга учади.
“2021-йилдан бери "Red Wings" Екатеринбургдан Ўзбекистоннинг йирик шаҳарларига парвозларни йўлга қўйган, бироқ бу чартер рейслар бўлиб, ўриндиқларни эркин сотмасдан бир мижоз манфаатларини кўзлаб амалга оширилади”, — дейилади компания хабарида.
Қўшимча қилинишича, бу чартер дастури мунтазам рейсларни амалга ошириш билан параллел равишда давом этади.
Маълумот учун: "Red Wings" бундан олдин Махачқалъадан Навоийга парвозларни амалга оширишни бошлаганди. Бундан ташқари, “Uzbekistan Airways” Шри-Ланкага чартер рейсларни йўлга қўйилганди.
Эслатиб ўтамиз, аввалроқ Россиядан Ўзбекистонга махсус поездлар қатнови қўйилилиши ҳақида хабар берилганди.
Чўлпоной Аҳмедова тайёрлади.
