Россия низо изламоқда — Канада бош вазири
Трюдо, шунингдек, Украинага қурол етказиб беришни давом эттиришини маълум қилган.
Россиянинг Украинага бостириб кириши оғир ва жиддий оқибатларга олиб келади. Бу ҳақда Канада бош вазири Жастин Трюдо маълум қилди.
“Россия низо излаяпти. Агар у Украинага бостириб кирса, оғир ва жиддий оқибатларга олиб келади”, – деган Трюдо Канада парламенти олдидаги чиқишида.
Шу билан бирга сиёсатчи унинг давлати кейинги уч йилда Украина аскарларини ўқитишда ёрдам беришини айтган. Шунингдек, Оттава Киевга ҳарбий ва молиявий ёрдам беришда давом этиши таъкидланган.
Маълумот ўрнида: Сўнгги ойларда Ғарб Россиянинг Украинага бостириб кириши мумкинлигини айтиб келмоқда. Ўз навбатида Москва бу каби айбловларни рад этяпти.
Аввалроқ АҚШ ва Украинада Россиянинг эҳтимолий ҳарбий фаоллиги тўғрисида зиддиятга боргани тўғрисида хабар қилинганди.
