Россия Херсондан чекинади
Шаҳар 3 март куни эгаллаб олинганди.
Россия Херсондаги қўшинларини Днепрнинг чап қирғоғига эвакуация қилади. Мамлакат мудофаа вазири Сергей Шойгу Украинадаги рус қўшинлари қўмондони Сергей Суровикинга шу мазмунда топшириқ берди.
Суровикин қўшинларнинг олиб кетилиши яқин кунларда амалга оширилишини айтган.
“Шаклланган вазиятни ҳар томонлама баҳолаб Днепр дарёси чап қирғоғида мудофаани шакллантиришни таклиф қиламан”, – деган генерал.
У Украина қўшинларини Каховка ГЭСни портлатишга уринишларда айблаган. Шу билан бирга чекиниш ҳарбийлар ҳаётини сақлаб қолиш учун амалга оширилаётгани таъкидланган.
Шойгу ушбу таклифни қўллаб-қувватлаган.
Рус қўшинлари Украинага босқиннинг илк кунларида Херсонни эгалла олганди. Ушбу ҳудудларда россияпараст маъмурият тузилганди. 30 сентябрда Херсон Россия таркибига қўшиб олингани эълон қилинди.
Кўплаб таҳлилчилар Херсоннинг бой берилишини Россия қўшинларининг стратегик муваффақиятсизлиги сифатида баҳоламоқда. Айрим манбаларга кўра, Ғарб давлатлари Украинага ушбу шаҳарни озод қилгач, Москва билан музокара бошлашни таклиф қилган.
