Аниқланишича, Тупроққалъа тумани, “Ёшлик” маҳалласи, 1/3-уй, 8-хонадонда яшаган, 2001 йилда туғилган Эрназарова Дилрабо жорий ийлнинг 14 август куни соат таҳминан 15:30 ларда шу тумандаги “Муҳаббат” ва “Шарлауқ” маҳаллалари оралиғидан оқиб ўтувчи Тошсақа чапқирғоқ магистрал каналидаги темир кўприкдан ўзини сувга ташлаб, ўз жонига қасд қилган.
Қидирув-қутқарув тадбирлари давомида 27 август куни соат 13:00 ларда Тошсақа чапқирғоқ магистрал каналининг Боғот тумани “Қулон қорабоғ” маҳалласи ҳудудидан оқиб ўтган 32 км.дан Дилрабонинг тан жароҳатларсиз, чириган мурдаси топилди.
Ҳозирда Д.Эрназарованинг ўз жонига қасд қилганлиги ҳолати юзасидан Тупроққалъа туман прокуратураси томонидан терговга қадар текширув олиб борилмоқда. Терговга қадар текширув вилоят прокуратураси томонидан назоратга олинган.
Эслатиб ўтамиз, аввалроқ Д.Эрназарованинг жасади ҳамон қидирилаётган ҳамда Катта Фарғона каналига тушиб кетган наманганлик 12 ёшли қиз қидирилаётгани ҳақида хабар берилганди.
Баҳринисо Мадумарова тайёрлади.