Бугун, 10 март куни соат 09:33 да Самарқанд шаҳар «Бирдамлик» МФЙ Гулобод кўчасида жойлашган ошхонада ёнғин содир бўлганлиги тўғрисида вилоят ФВБ га хабар берилган.
Шунга кўра, 3 та ёнғин қутқарув экипажлари воқеа жойига соат 09:36 да етиб бориб, соат 10:10 да ёнғин тўлиқ бартараф этилган.
Ёнғин натижасида ошхона шифт қисми ва ички жиҳозлари ёниб зарарланган. Ҳодиса оқибатида жабрланган ва ҳалок бўлганлар йўқ.
Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.