Сайлов бюллетенларини Брайль алифбосида тайёрлаш таклиф этилди
Хабарингиз бор, Ўзбекистонда президентлик сайловлари 24 октябрь куни бўлиб ўтади. Айни кунларда сайловда иштирок этадиган бешта сиёсий партия етакчилари аҳоли орасида ўз тарғибот-ташқивот тадбирларини ўтказмоқда.
Марказий сайлов комиссияси котиби Худоёр Маматовнинг айтишича, Президент сайловига доир сайлов бюллетенини тўлдириш учун Брайль алифбоси асосида тайёрланадиган трафарет намунаси ва тавсифини тасдиқлаш ҳамда кўзи ожиз сайловчиларнинг сайлов бюллетенини тўлдиришда фойдаланишлари учун ҳар бир сайлов участкасини икки донадан трафаретлар билан таъминлаш таклиф этилмоқда.
Шунингдек, сайловолди ташвиқотга оид телекўрсатувлар имо-ишора тили ва субтитр ёзувида бериб борилмоқда, босма нашрлар Брайль алифбосида ҳам тайёрланиб етказилмоқда.
Аввалроқ Марказий сайлов комиссияси раиси ўринбосари Баҳром Қўчқоров президент сайловларида қатнашадиган номзодларга нисбатан қонунчиликда белгиланган талабларда ўзгариш йўқлиги, Ўзбекистонда коронавирусдан даволанаётганлар президент сайловида қандай иштирок этиши ҳамда Қорақалпоғистон Республикаси, вилоятлар ва Тошкент шаҳри ҳудудларида Ўзбекистон Республикаси Президенти сайловини ўтказиш учун 14 та сайлов округи тузиш тўғрисида қарор қабул қилингани ҳақида хабар берилганди.
