Серхио Рамос ҳали тўлиқ тузалмади
У “Реал”га қарши Чемпионлар лигасининг жавоб учрашувини ўтказиб юбориши мумкин.
Франциянинг “Пари Сен-Жермен” клубининг 35 ёшли испаниялик ҳимоячиси Серхио Рамос Реалга қарши Чемпионлар лигаси жавоб ўйинида жамоасига ёрдам бера олмайди. Бу ҳақда “Footmercato” нашри хабар бермоқда.
Қайд этилишича, Рамос ҳали жароҳати сабаб тўлиқ соғаймаган. “Реал Мадрид” билан учрашув 9 март куни Мадрид шаҳридаги “Сантяго Бернабеу” стадионида бўлиб ўтади. Биринчи ўйин парижликларнинг 1:0 ҳисобидаги ғалабаси билан якунланган эди.
Аввалроқ, Мбаппенинг онаси Мадриддан уй қидираётгани ва “Реал Мадрид” Винициус билан узоқ йиллик келишувга эришмоқчи эканлиги ҳақида хабар берилганди.
Жамшидбек Амиров
