Шавкат Мирзиёев «Марказий Осиё – Европа Иттифоқи» форматидаги иккинчи саммитида иштирок этиш учун Қирғизистонга жўнаб кетди. Бу ҳақда Президент матбуот хизмати хабар берди.
Тадбирда минтақа давлатларининг раҳбарлари ва Европа Кенгаши Президенти Шарль Мишель иштирок этиши кўзда тутилган.
Кун тартибидан Марказий Осиё мамлакатларининг Евроиттифоқ билан конструктив мулоқотини янада ривожлантириш ва амалий ҳамкорлигини кенгайтириш масалалари ўрин олган. Бундан ташқари, саммит доирасида қатор икки томонлама учрашувлар ўтказилиши ҳам режалаштирилган.
