Сохта харидор кассадаги пулларни ўмариб кетди

 

Маълум қилинишича, Қарши шаҳар “Орзу” бозорида кийим-кечак савдоси билан шуғулланувчи Р.Х.  харидор кўплигидан дўкондаги назоратни йўқотиб қўйган. Тушдан кейин савдо кассасидаги пулларнинг камлигини сезиб қолгач, ҳисоб-китоб қилиб кўрган. Оқибатда, 2 200 000 сўм пулнинг йўқолгани маълум бўлган. Мазкур воқеадан сўнг жабрланувчи 2021 йил 22 сентябрь куни Қарши шаҳар 2-сонли ИИБ бошлиғи номига ариза билан мурожаат қилади.

“Шу куни соат тахминан 14:00 да бир нотаниш фуқаро дўконга келиб, гўёки ўзини кийим сотиб оладиган қилиб кўрсатиб, сотувчини чалғитган. Назоратсиз қолдирилган дўкон кассасида пулларни яширин равишда ўғирлаб, кўздан йўқолган. Олиб борилган суриштирув ишлари натижасида қўлга олинган ўғри Косон тумани “Ушоқтепа” МФЙда яшовчи муқаддам судланган Х.К. экани маълум бўлди”, — дейилади хабарда.

Мазкур ҳолат юзасидан Қарши шаҳар 3-сонли ИИБ ТБ томонидан жиноят иши қўзғатилди.

Aввал Деновда пул ўғирлаган фуқаро ушлангани, Жиззахда фирибгар ўз дўстининг 3500 АҚШ долларини ўмаргани ҳамда Тошкентда дорихонани ўмарган икки босқинчи қўлга олингани ҳақида хабар берилганди.