Аввалроқ Марказий сайлов комиссияси раиси Зайниддин Низамходжаев Чилозор туманидаги 318-сайлов, Самарқанд вилояти ҳокими Эркинжон Турдимов вилоятнинг иккинчи ва тўртинчи сектор раҳбарлари билан бирга Самарқанд шаҳридаги 144-сайлов овоз бергани ҳақида хабар берилган эди.
Ўзбекистон Республикаси Президенти сайловини ўтказувчи 9-Сурхондарё округ комиссияси ҳудудида 860 та сайлов участкаси ташкил этилиб, сайловчилар учун барча шароит яратилди. Миллий қонунчилигимиз доирасида жиҳозланди.
Қайд этилишича, Термиз шаҳридаги 269-сайлов участкаси “Термиз” давлат музей-қўриқхонаси биносида жойлашган бўлиб, у ерда Меҳриобод маҳалласида яшайдиган 2 минг 838 сайловчи овоз беради.
Вилоят ҳокими Тўра Боболов ҳам биринчилардан бўлиб мамлакатимиз тараққиёти, тинч, осуда ҳаёт ва буюк келажак учун овоз берди.
Маълумот учун: вилоятда 1 миллион 467 минг 12 сайловчи руйхатга олинган. Уларнинг 112 минг 902 нафари сайловда илк марта овоз бераётган йигит-қизлардир. Жорий йилнинг 14-20 октябрь кунлари мамлакатимиздаги барча сайлов участкаларида бўлиб ўтган муддатидан олдин овоз бериш жараёнида сайлов куни ўз яшаш жойида бўлиш имкониятига эга бўлмаган 20 мингга яқин фуқаро овоз берган.
Эслатиб ўтамиз, Ўзбекистон Республикаси Президенти сайловида Ўзбекистон Либерал-демократик партиясидан кўрсатилган номзод Шавкат Мирзиёев Мирзо Улуғбек тумани Алишер Навоий маҳалласидаги 59-сайлов участкасига ташриф буюриб, овоз бериш жараёнида иштирок этганди.
Бундан аввал Ўзбекистон Экологик партиясидан президентликка номзод Нарзулло Обломуродов, "Миллий тикланиш" демократик партиясидан президентликка номзод Алишер Қодиров, Ўзбекистон "Адолат" социал-демократик партиясидан президентликка номзод Баҳром Абдуҳалимов ҳамда Халқ демократик партиясидан кўрсатилган номзод Мақсуда Ворисова Учтепа тумани 116-мактабдаги 206-сайлов участкасида овоз бергани ҳақида хабар берган эдик.