Tesla бошқарувчисиз атомашина ишлаб чиқармоқчи
Янги автомобилларда педал ва рул йўқ.
Илон Маск Tesla компаниясига тегишли бошқарувчисиз роботакси — Cybercab'ни тақдим этди.
Янги автомобилларда педал ва рул йўқ. Маскнинг сўзларига кўра, келажакда уларни ҳайдаш оддий машина бошқаришга қараганда осонроқ бўлади. Автомобилнинг нархи 30 минг доллардан пастроқ бўлади.
Cybercab'ни ишлаб чиқариш 2026 йилгача бошланиши режалаштирилмоқда, келаси йили эса компания Техас ва Калифорнияда тўлиқ автоном машина бошқарувини йўлга қўймоқчи. Бунинг учун тартибга солувчи органларнинг рухсати талаб қилинади.
Маскнинг сўзларига кўра, бундай ўзини ўзи бошқарадиган машиналар одам бошқарадиган Автомобилларга қараганда 10-20 баробар хавфсизроқ бўлади.
