Ўзбекистон Транспорт вазирлигида халқаро автомобиль ташувлари масалалари бўйича ўзбек-тожик қўшма комиссиясининг йиғилиши бўлиб ўтди.
Унда мамлакатлар ўртасида халқаро автомобиль ташувлари соҳасидаги ҳамкорликни ривожлантириш масалалари муҳокама этилди.
Йиғилишда томонлар, шунингдек, коронавирус пандемияси сабаб бугунги кунда тўхтаб қолган автобус қатновларини қайта тиклаш билан боғлиқ масалалар юзасидан фикр алмашди.
“Ўзбекистон — Тожикистон — Хитой” транспорт коридорини ривожлантириш истиқболлари муҳокама қилинди.
Маълумот учун: Ўзбекистон ва Тожикистон ўртасидаги автобус қатнови 26 йиллик танаффусдан сўнг 2018 йилнинг 15 майидан бошлаб тикланди. Аммо 2020 йил 16 мартдан коронавирус пандемияси сабабли автомобиль қатнови чекланди. 1 сентябрдан бошлаб эса чекловлар босқичма-босқич олиб ташлана бошланди.
Эслатиб ўтамиз, аввалроқ “Afrosiyob” поезди ҳаракат жадвалига ўзгартириш киритилгани ҳамда "Uzbekistan Airports" хорижий авиакомпаниялар учун тарифларни пасайтирилиши ҳақида хабар берилганди.
Чўлпоной Аҳмедова