Ҳаракат вакилларидан бири Иномулло Саманганий собиқ ҳукумат аъзоларини тиклашга оид хабарлар ёлғон эканини айтган. “Собиқ админстрация тикланиши ҳақидаги миш-мишлар ёлғон”, – деган Саманганий.
Бу 28 сентябрь куни бир гуруҳ собиқ ҳукумат вакиллари билдирган баёнотга жавоб тариқасида айтилди. Бу баёнот Афғонистоннинг Швейцариядаги элчихонаси Twitter саҳифасида эълон қилинган. Унда собиқ амалдорлар Афғонистоннинг қувғиндаги ҳукумати қайта тузилишини билдирган. Унда Афғонистон ҳудудидаги ҳар қандай бошқа ҳукумат ноқонуний, деб тан олинади, дейилган. Шу билан бирга бошқа давлатлардан толиблар ҳокимиятини тан олмаслик сўралган. Афғонистонинг собиқ вице-президенти Амрулла Солиҳ вақтинчалик президент сифатида кўрсатилган.
Aввалоқ АҚШ Афғонистонга чегарадош давлатлар билан музокара ўтказаётгани ҳамда толиблар Тожикистонга огоҳлантириш билан чиққани хабар қилинганди.
Жаҳонгир Қўзиев