"Толибон" яна қизларнинг мактабга боришини тақиқлади

 

Вазирлик буйруғига кўра, "қизлар ўрта ва ўрта махсус мактаблари кейинги огоҳлантиришгача ёпиқ қолади". Шунингдек, янги ўқув йили бошланиши билан фақат 6-синфгача бўлган қизлар мактабга бориши мумкин бўлади.

 

Қайд этилишича, бундай қарор қабул қилинишига мактаб формаси билан мусулмон қонун-қоидалари ва урф-одатлари — шариат нормалари ўртасидаги номувофиқлик сабаб бўлган. Бошқарманинг таъкидлашича, 7-синфдан 12-синфгача бўлган қизларнинг формаси шариат, миллий анъана ва маданият асосида ишлаб чиқилса, толиблар улар учун мактабларни қайта очишини таъкидлаган.

 

Жорий йил февраль ойи охирида мамлакат таълим вазирлиги Афғонистонда ўғил болалар ва қизлар учун ўқув йили мамлакат ҳижрий тақвими бўйича янги йилнинг биринчи кунида, яъни 21 мартдан кейин бошланишини эълон қилганди.

 

Шундан сўнг кафедра вакили дарсларда қизларга аёллар, ўғил болаларга эса эркаклар дарс беришини таъкидлади. Қизлар синфларида аёл ўқитувчи йўқлиги сабабли дарсларни тажрибали, ёши каттароқ эркак ўқитувчилар ўтказиши керак эди. Аммо ундай бўлмади. Афғонистонлик ўқувчи-қизлар кеча мактабнинг очилганидан қувонганди. Бугун эса уларнинг орзулари саробга айланди.