Жорий йил Тошкент вилоятида 1 409 та ҳолатда 263,3 гектар ер майдонида ўзбошимчалик билан эгаллангани ва ноқонуний қурилмалар қурилгани маълум бўлди. Бу ҳақда Тошкент вилояти ҳокимлиги маълум қилди.
Булар 112,2 гектар ер майдонида 936 та ҳолатда уй-жойлар, 108,7 гектар ер майдонида 338 та ҳолатда нотурар жойлар қурилиши ва 135 та ҳолатда 42,2 гектар ер майдони ўзбошимчалик билан эгаллаш ҳолатларидир.
Кадастр агентлиги Тошкент вилояти бошқармаси ҳамда ҳудудий бўлинмалар томонидан ушбу аниқланган қонунбузилиш ҳолатларини бартараф этиш юзасидан ёзма кўрсатмалар, маҳаллий ҳокимликларга тақдимномалар, прокуратура органларига маълумотномалар ҳамда судларга аризалар юборилган. Бундан ташқари, 106 гектар ер майдонида 516 та ҳолатда қонунбузилиш ҳолатлари бартараф этилиши таъминланган.
Аввалроқ, Жарқўрғон туманида захирадаги ерни сотмоқчи бўлган фирибгар ушлангани ҳамда ноқонуний ердан фойдаланиб, иморат тиклаган фуқарога огоҳлантиришдан сўнг чора кўрилгани ҳақида хабар берилганди.
Муножат Валиева