Тошкентда кучли таъсир этувчи дори воситаларини сотаётган дорихоналар аниқланди

 

Ҳуқуқ тартибот органлари томонидан  ташкил этилган  тезкор тадбирда "М.Ф." МЧЖ га қарашли дорихона сотувчиси Г.К. харидор А.га 2 дона “Регапен” номли кучли таъсир қилувчи дори воситасини 50 минг сўмга сотган вақтида ушланган. Текширув давомида ушбу дорихонадан 197 дона “Регапен”, 40 дона "Тропикамид" ва 4 дона “Зардекс” номли дори воситалари ашёвий далил сифатида олинган.

 

Шунингдек, Департаментнинг Учтепа туман бўлими томонидан ўтказилган тезкор тадбирда "Ф.Ж." МЧЖга қарашли дорихона сотувчиси М.С ва МЧЖ раҳбари Х.Х.лар харидор Г.га шифокор рецептисиз 1 дона “Тропикамид” ва 3 дона “Регапен” номли кучли таъсир қилувчи дори воситаларини 195 минг сўмга сотган вақтда қўлга олинган.  Тадбир давомида ушбу дорихонадан 1 900 дона “Карбамазепин”, 92 дона “Регапен” ва 14 дона “Тропикамид” номли дори воситалари ашёвий далил сифатида ҳужжатлаштирилган.

 

Мазкур ҳолатлар юзасидан Жиноят кодексининг 186 (3)-моддаси билан жиноят ишлари қўзғатилиб, тергов ҳаракатлари олиб борилмоқда.

 

Бундан аввал Сирдарёда 700 дан ортиқ «Тропикамид» дори воситасининг ноқонуний айланмасига чек қўйилгани ҳамда Ширин шаҳрида кучли таъсир қилувчи дори воситаларини сотаётган шахс ушлангани ҳақида хабар берилганди.