Тошкентда тепловозлардан бирида ёнғин чиқди
Ҳолат бўйича “Ўзбекистон темир йўллари” АЖ расмий маълумот берди.
12 февраль куни ижтимоий тармоқларда тарқалган юк поезди локомотивнинг машинист кабинасидаги ёнғин видеоси бўйича расмий изоҳ берилди.
Маълум қилинишича, видеодаги "TGM-23" русумли тепловоз бўлиб, у “Ўзбекистон темир йўллари” АЖнинг локомотивлар паркига тегишли эмас. Ушбу тепловоз, тахминан, пойтахтнинг Мирзо Улуғбек тумани атрофида жойлашган саноат корхоналаридан бирига қарашли.
Аввалроқ Тошкент шаҳрининг Учтепа туманида автобус ёниб кетгани хабар қилинган эди.
