Бош прокуратура ҳузуридаги Департаментнинг Самарқанд шаҳар бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилди.
Маълум бўлишича, Самарқанд шаҳрида фуқаро Н.А. таниши Р.нинг ишончига кириб, унга ижтимоий ҳимояга муҳтож оилаларга бериладиган уйлардан бири олиб беришни ваъда қилган. У ўзининг танишлари борлини айтиб, Р.дан 20 000 АҚШ долларни фирибгарлик йўли билан қўлга киритган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, аввалроқ Бухорода 10 минг доллар эвазига уй-жой қуриш учун ер олиб бермоқчи бўлган шахс ушлангани ҳақида хабар берилганди.
Чўлпоной Аҳмедова