Анжижонда ЗИЛ юк машинасини тормози ишламай қолиб ЙТҲга учради
Бугун ижтимоий тармоқларда Андижон, Хаканда ЗИЛ юк машинасини тормози ишламай қолиб жиддий аварияга учрагани ҳақида хабар тарқалди.
Zamon.uz мазкур ҳолат юзасидан Андижон вилояти Андижон туман йўл ҳаракати хавфсизлиги гуруҳи катта инспектори Раъфиқ Мўминов билан боғланди.
Маълум бўлишича, воқеа эрталаб соат 06-30 ларда содир бўлган. Зил юк машинаси ҳамда Lacetti автомашинаси ўртасида тўқнашув бўлган. Бунга Зил юк машинасининг тормози ишламай қолгани сабаб бўлган. Оқибатда юк машинаси олдинда кетаётган Lacetti автомашинасининг орқа қисмини уриб ўтиб хонадонларнинг бирига бориб урилган. Девор қулаган, юк машина техник шикастланган. ЙТҲ оқибатида тан жароҳат олган фуқаролар шифохонага ётқизилган.
