Бундан ташқари 8 та ўқотар қурол, 328 та ўқдорилар, 199 та гильза, 87 кг порох ва 2 та капсулалар ҳам аниқланган. Уларни енгил ва юк автомобилларида, халқаро почта хизматлари, йўловчиларнинг қўл ва юк багажлари орқали олиб ўтиш вақтида қўлга олинган.
Ушбу ҳолатларнинг барчаси Давлат божхона қўмитасинингМиллий кинология маркази томонидан ўргатилган хизмат итлари ёрдамида аниқланган. Миллий кинология маркази1996 йил 24 октябрда Вазирлар Маҳкамасининг 364-сон қарори билан ташкил этилган бўлиб, кинология соҳаси мутахассислари ва хизматитларини тайёрловчи асосий маскан ҳисобланади.
- кинологларни турли йўналишлар бўйича касбий ҳамда хизматга янги қабул қилинган кинологларни (йўналишидан келиб чиқиб, 2 ойдан 6 ойгача) бошланғичт айёргарликдан ўтказиш;
- кинологларнинг мунтазам равишда малакасини ошириш, қайта тайёрлаш (ҳар бир кинолог бириктирилган хизмат ити билан ҳар йили икки ҳафталик ўқув курсидан ўтказилади);
- зотдор итларни танлаб олиш, насл кўпайтириш ҳамда уларни кинология хизматининг барча йўналишлари бўйича ўргатиш, марказ зиммасига юклатилган асосий вазифалардир.
Бугунги кунда кинологлар томонидан хизматга ўргатилаётган итлар сони 100 тага етди. Марказда гиёҳванд воситаларни қидириш, қурол-яроғ, ўқ-дори ва портловчи моддалар, тамаки маҳсулотлари, ноқонуний валюталарни қидириш, қидирув-қутқарув хизмати, мина қидирув хизмати, из қидирув ва антитеррор ҳамда ўсимлик ва ўсимлик уруғларини қидириш йўналиши бўйича хизмат итлари ва кинологларини ўқитиш йўлга қўйилган.
Юлдуз Рустамова