Ер сотмоқчи бўлган фирибгар кирдикори фош этилди

Мамлакатимизда ерларни ноқонуний сотиш билан боғлиқ ҳолатлар учрамоқда. Бу каби жиноятнинг олдини олиш, бартараф этиш мақсадида ҳуқуқ-тартибот органлари томонидан тезкор тадбирлар ўтказилмоқда.

Хусусан, Бош прокуратура ҳузуридаги Департаментнинг Жарқўрғон тумани бўлими томонидан ўтказилган тезкор тадбирда фуқаро Н.М. ноқонуний даромад орттириш мақсадида аслида туман ҳокимлиги захирасида бўлган 0,25 гектар ерни фуқаро А.га фирибгарлик йўли билан сотишни режалаштириб, туман кадастр ва давлат хизматлари марказида ишловчи танишлари орқали ҳужжатларни тайёрлаб бериш эвазига 70 миллион сўмни олган вақтда ашёвий далиллар билан ушланган.  

 Мазкур ҳолат юзасидан жиноят иши қўзғатилиб, тергов ҳаракатлари ўтказилмоқда.  

 Шу ўринда айтиш жоизки, ер участкаларини фақат "E-IJRO AUKSION" ягона савдо майдончасида электрон савдолар орқали олиш мумкин.