Европа футболига ҳам ислоҳотлар зарур – Френк Маккорт
Франциянинг “Марсел” клуби хўжайини Френк Маккорт бугунги Европа футболи ҳақида фикр билдирди:
“Дунёда Европа футболидан муҳимроқ спорт тури йўқ. Мен футболга пул кириб келишига қарши эмасман. “Марсел” клубига кўп сармоя киритганман. Аммо шуни тушунишимиз керакки, футбол бу чек китоби эмас. У мухлислар ва футболчилардан иборат. Шунинг учун мен янги ташкил этилиши кутилган Суперлигага қарши чиқдим. Адолатли рақобат мавжудлиги жуда муҳимдир. Европа футболига ҳам ислоҳотлар зарур”.
Аввалроқ “Марсел” мухлислари йил охирига қадар жамоасининг сафар ўйинларида қатнаша олмаслиги ва Моуриньо “Рома”ни ислоҳ қилишда давом этиши ҳақида хабар берилганди.
Жамшидбек Амиров
