Европа Исроил билан энергетик ҳамкорликни кучайтиради
Бу Россия газига қарамликдан қутулиш мақсадида амалга оширилади.
Евроиттифоқ Россияга энергетик қарамликдан қутулиш мақсадида Исроил билан ҳамкорликни кучайтирмоқчи.
Европа Комиссияси раиси Урсула фон Дер Ляйеннинг сўзларига кўра, ЕИ Исроил билан энергетика соҳасида икки йирик лойиҳани амалга оширишга тайёргарлик кўрмоқда. Хусусан, томонлар Шарқий Ўртаер денгизида газ ва водород қувурлари ҳамда Исроилни Кипр ва Греция билан боғловчи кабель тармоғи ўтказиш масаласини кўриб чиқяпти.
“Украинада вазият кескинлашгандан буён Россия атайин Польша, Болгария, Финляндия, голланд ва Дания компанияларига газ етказиб беришни тўхтатди. Аммо Кремлнинг бу ҳаракатлари бизнинг Москвага энергетик қарамликдан қутулишимиз учун янада катта туртки берди”, – деган Дер Ляйен Исроил жанубига ташрифида.
Шу билан бирга исроилликлар билан бирга Ўртаер денгизи газ ресурсларини ўзлаштириш бўйича қатор муаммолар бор. Масалан, “Кариш” газ кони Ливаннинг “Кана” кони билан чегарадош, икки давлат узоқ йиллардан буён шельфни бўлиша олмаяпти.
Исроил ва Ливан ўртасидаги денгиз чегараси ҳамон аниқ ўрнатилмаган. Улар 856 квадрат километр ҳудудга даъво қилмоқда. Денгиз чегарасини демаркация қилиш бўйича музокаралар боши берк кўчага кириб қолган.
Аввалроқ ЕИ Нигериядан газ сотиб олиши мумкинлиги маълум бўлганди.
