Юзлаб афғонлар рухсатнома ололмагани учун Кобулда қолиб кетди — The Wall Street Journal
Шунингдек, улар орасида АҚШ фуқаролари борлиги ҳам маълум бўлди.
Кобулда АҚШга эвакуация қилинишини кутаётган минглаб афғонлар давлат департаменти рухсатномасини ололмай, Афғонистонда қолишга мажбур бўлди. Бу ҳақда "The Wall Street Journal" Argo волонтёрлар гуруҳига таяниб маълум қилди.
Argo Афғонистондан чартер рейслари орқали эвакуацияни амалга оширади. Ушбу гуруҳ вакилининг The Wall Street Journal’га маълум қилишича, Албания, Косово, Руанда ва Уганда АҚШ ҳукумати розилик билдирган тақдирда ўз ҳудудида афғонларни вақтинчалик жойлаштиришга розилик билдирган. Аммо волонтёрлар бир неча ҳафта давомида давлат департаменти рухсатномасини кутишган. Натижада уларнинг маблағи тугаб қолган.
Қўшимча қилинишича, эвакуация қилиниши керак бўлган афғонлар орасида АҚШ фуқаролари, доимий истиқомат қиладиганлар ва АҚШ собиқ давлат хизматчилари ҳам бор.
Argo волонтёрлари улардан қўшимча ҳақ тўлашни ёки вақтинчалик бошпанани тарк этишни сўраган. Оқибатда улар бошпанани тарк этишга мажбур бўлган.
Аввалроқ Покистон "Толибон" га таъсир ўтказа олмаслигини маълум қилганди. Шунингдек, Байденнинг маслаҳатчиси АҚШ нима учун Афғонистонни тарк этганини айтганди.
Жаҳонгир Қўзиев
